Jetfan

Hər bir ərazinin özünəuyğun havalandırma sistemi olmalıdır. Bu sistemdə əhəmiyyətli dərəcədə xüsusi yer tutan cihazlardan biri də Jetfanlardır. Adından başa düşüldüyü kimi, bu tip ventilyatorlar reaktiv funksiyanı yerinə yetirmək üçün ixtira olunublar. Daha dəqiq desək, yeraltı avtodayanacaqlar və tunellərdə havaya atılan zəhərli və zərərli qazlar (karbon monoksid, nitrogen oksid və LPG) səbəbindən oranın atmosferi nəzərəçarpacaq dərəcədə çirklənir ki, bu da həmin qazların konsentrasiyası və insanın orada keçirdiyi vaxtdan asılı olaraq orqanizm üçün çox təhlükəlidir.

Bildiyimiz kimi, bu problemi aradan qaldırmaq üçün həmin ərazidə tavandan hava kanalları asmaq mümkündür, lakin bu zaman tavan xeyli miqdarda aşağı düşməli olur və bu da öz növbəsində bəzi avtomobillərin həmin ərazidə hərəkətinə mane olur. Elə yerlər var ki, orada tavanı aşağı salmaq texniki cəhətdən mümkün deyil. Digər tərəfdən bu kanalların çəkilməsi həm bahalı, həm vaxtaparan, həm də əziyyətlidir.

Yeni texnologiya nəticəsində siz tavandan jetfanlar asa bilərsiniz. Bu ventilyatorlar spesifik yerlərdə quraşdırıldığından ümumi ərazinin 1%-ni ancaq zəbt etmiş olar, nəticə etibarilə həmin ərazidə avtomobillərin hərəkətinə heç bir maneə yaranmaz. Daha ətraflı məlumat üçün bizimlə əlaqə saxlamağınızı xahiş edirik.