*5252 SERVİS

Şirkət xəbərləri

AZHAB - 2024

13 dekabr 2024

Azərbaycan Halal Biznes Forumu 2024 – 8-9 oktyabr!!!

Bu gün İqtisadiyyat Nazirliyi, Dövlət Turizm Agentliyi və KOBİA-nın təşkilatçılığı ilə Azərbaycan Halal Biznes Forumu 2024 açılışını etdi. Tədbir, “Caspian Event Organisers” MMC, İslam Əməkdaşlıq Təşkilatı (OIC), Beynəlxalq İslam Biznesi Assosiasiyası, İslam Ticarət və İnkişaf Palatası (ICO), İslam Ölkələri üzrə Statistik, İqtisadi, Sosial Araşdırmalar və Təlim Mərkəzi (SESRIC), İslam ölkələri üçün Standartlar və Metrologiya İnstitutu (SMIIC) tərəfindən dəstəklənir.

MÜSİAD Azərbaycan stendi də tədbirdə yer alıb. Stenddə iştirak edən EUROCLIMA MMC, 20 ildən artıqdır ki, HVAC (İstilik, Havalandırma və Soyutma) sahəsində Azərbaycanın öncül şirkətlərindən biridir. Şirkət, Bakı şəhərində və ölkənin əksər regionlarında müştərilərinə yüksək keyfiyyətli xidmətlər təqdim edir.

Forumun ilk hissəsində rəsmi şəxslərin qatıldığı panel müzakirələri keçirilib, daha sonra stend ziyarətləri təşkil olunub. MÜSİAD Azərbaycan İdarə Heyətinin sədri Rəşad Cabirli, İdarə Heyəti üzvləri və digər iştirakçılar əvvəlcə MÜSİAD Azərbaycan stendini, daha sonra isə digər stendləri ziyarət etdilər.

İki gün davam edən forumun məqsədi investisiya və ticarət sahəsində yeni əməkdaşlıqların qurulmasına, fikir və təcrübə mübadiləsinə töhfə vermək, Azərbaycana xarici sərmayələrin cəlb edilməsini təşviq etməkdir. Forumda dünyanın müxtəlif regionlarından 20-yə yaxın ölkənin rəsmi şəxsləri, mütəxəssislər, akademik dairələr və beynəlxalq təşkilatların nümayəndələri, iş adamları iştirak edir.

Digər xəbərlər